१३ वैशाख (खोटाङ) : राज्यको श्रोत, साधन र क्षमताले भ्याएसम्मको सुविधा प्रदान गर्नेगरी लागू गरिएको गरीव परिचयपत्र वितरण कार्यक्रम यहाँको साकेला गाउँपालिकामा सुरु भएको छ ।
गरिवीको रेखामुनि रहेका नागरिक लक्षित कार्यक्रम सञ्चालन गरी राज्यको स्रोत, साधन र क्षमताले भ्याएसम्म सामाजिक संरक्षण प्रदान गर्ने प्रयोजनका लागि साकेला गाउँपालिकाले गत बुधबारदेखि गरिब परिचयपत्र वितरण सुरु गरेको हो ।
गाउँपालिकाका अध्यक्ष अर्जुन खड्का झङ्कारले दिएको जानकारी अनुसार साकेला गाउँपालिका–४ मात्तिम वडाकार्यालयबाट वडाका गरिब समुदायलाई परिचयपत्र वितरण सुरु गरिएको हो ।
गाउँपालिकाले वडा नम्बर ४ मात्तिमका ७३ गरिब घर परिवारमध्ये ५६ घरपरिवारलाई परिचयपत्र वितरण गरेको छ भने वडा नम्बर –५ मात्तिमविर्ताका ४८ घरपरिवारमध्ये २० जना गरिब परिवारलाई परिचयपत्र वितरण गरिएको अध्यक्ष खड्काले बताए ।
 |
| साकेला गाउँपालिकाका प्रमुख प्रशासकीय अधिकृत रबिन मगर गरीव परिचयपत्र वितरण गर्नुहुँदै । |
शुक्रवार वडा नम्बर १ च्यानडाँडाका गरीवलाई परिचयपत्र वितरण गरिएको छ । ५ वटा वडा रहेको साकेला गाउँपालिकाका सबै गरिब घर परिवारलाई क्रमशः परिचयपत्र वितरण गरिने गाउँपालिकाले जनाएको छ । जिल्लामा सबैभन्दा पहिला २०७५ साल असार ३० गते रावाबेँसी गाउँपालिकाले गरिब घर परिवार परिचयपत्र वितरण सुरु गरेको थियो । तर, गरीबको सूचीमा धनीको नाम समावेस भएको पाइएपछि रावाबेँसी गाउँपालिकाले गरिब परिचयपत्र वितराका काम केही दिनमै बन्द गरेको थियो ।
रावावेशी गाउँपालिकामा २० जनालाई रातो, मध्यम गरिबको सूचीमा रहेका १५ घर परिवारलाई पहेँलो र सामान्य गरिबको सूचीमा रहेका २१ जनालाई निलो परिचयपत्र वितरण गरिएको छ ।
No comments:
Post a Comment