१३ वैशाख (खोटाङ) : बराहपोखरी गाउँपालिकाभित्र पर्ने ७० घर गरीब परिवारलाई निःशुल्क सोलार वितरण गरिएको छ । सौर्य उर्जा प्रवद्र्धन बोर्डको रु तीन लाख अनुदानमा खरिद गरिएको सोलार निःशुल्क प्रदान गरिएको हो ।
दुई वटा बल्ब, ब्याट्री र आवश्यक तारसहितको सोलार गाउँपालिका उपप्रमुख गोमा मगरले हस्तान्तरण गरेको स्थानीय युवा नेता निश्चल खड्काले जानकारी दिए । अहिलेसम्म केन्द्रीय प्रशारण लाईनको विद्युत विस्तार नभएको उक्त गाउँपालिकामा प्रत्येक वडाका वडाअध्यक्षले गरेको सिफारिसको आधारमा सोलार वितरण गरिएको हो ।
छ वटा वडा रहेको उक्त गाउँपालिकाको वडा नम्बर–१ मा दश, २ र ३ मा आठ÷आठ, ४ मा दश, ५ मा ११ र ६ मा २२ घर परिवारलाई निःशुल्क सोलार वितरण गरिएको जनाइएको छ । लामो समयदेखि अध्यरोमा रात कटाउँदै आएका उक्त गाउँपालिकाका गरीब घरपरिवार दश वाट क्षमताको सोलार पाएपछि हर्षित भएका छन् ।
जिल्लाको दक्षिणी भेगमा पर्ने उक्त गाउँपालिका भौगोलिक दृष्टिले दुर्गम क्षेत्रमा पर्दछ । सडक, खानेपानी, विद्युत तथा सञ्चार लगायतका आधारभूत सेवासुविधा नपुगेको उक्त गाउँपालिकामा पछिल्लो समय धमाधम पूर्वाधार विकासका कामहरु भइरहेको छ ।
No comments:
Post a Comment