खुकुरी प्रहार गरी पत्निकाे हत्या

खोेटाङ २० भदौ  । घरायसी विवादपछि श्रीमानको खुकुरी प्रहारबाट खोटाङमा श्रीमतिको ज्यान गएको छ । दिक्तेल रुपाकोट मझुवागढी नगरपालिका २ सोल्माका सिताराम राईले ३० बर्षीय श्रीमति देविका राईलाई टाउकोमा खुकुरी प्रहार गर्दा ज्यान गएको हो ।

राईले बिहिवार साँझ श्रीमतिलाई खुकुरी प्रहार गरी हत्या गरेको जिल्ला प्रहरी कार्यालय खोटाङका प्रहरी नायव उपरिक्षक बामदेव गौतमले जानकारी दिए । श्रीमतिको हत्या गरेका राईलाई जिल्ला प्रहरी कार्यालय दिक्तेलबाट गएको प्रहरी टोलीले नियन्त्रणमा लिएको प्रहरीले जनाएको छ । मृतक राईको शव पोष्टमार्टमका लागि जिल्ला अस्पताल दिक्तेल ल्याइएको प्रहरीको भनाइछ ।